මිතුරනි, මේ දවස්වල බ්ලොග් එක ලියවෙන්නෙ නෑ කියල හිතෙනවා ඇති ඔයාලට.ඔව් ඇත්තටම ටිකක් කම්මැලි කමක් දැනෙනවා.මොකද හරියටම මෘදුකාංග ලැයිස්තුවක් හදා ගත්තොත් නම් ඔන්න ලියන්න පුලුවන්.මොකද එතකොට ඉලක්කයක් තියෙනවනෙ.
ඔන්න මිතුරනේ මම මේ උදව්ව ඉල්ලන්නේ ඔයාලගෙන්.ඔයාලට දැනගන්න අවශ්ය නිදහස් මෘදුකාංග මොනවද කියල පොඩ්ඩක් මෙතන කියලා යන්න.මම ඒ අනුපිලිවෙලට සහ තොරතුරු ලබාගන්න පහසුම ඒව වල ඉදලා ඒ හැම එකක් ගැනම ලියන්න පටන් ගන්නම්.
ඔබට ජය !
Posted in සටහන් | 3 Comments »
ඔන්න ආපහු බූතයා වගේ ජාලය අතරින් මතුවුනා……….
මේ දවස් ටිකේ ගොඩක් වෙනස්වීම් වෙලා තියෙනවා.කොහොමත් තාක්ෂණය කියන දේ නිතරම වෙනස් වෙනවනෙ. ඉතින් මම කලින් දාපු ලිපිවලට අදාල මෘදුකාංග වල සිදුවෙලා තියෙන යාවත්කාලවීම් ගැන තමා දැන් කියන්නේ.
ඔපෙරා කියන වෙබ් පිරික්සුම් මෘදුකාංගයේ 10.10 කියන සංස්කරණය නිකුත්වෙලා තියෙනවා. ඔපෙරා මිනි කියන ජංගම දුරකතන සඳහා දියුණු කරන මෘදුකාංගයේ 4.2 සංස්කරණය තිබෙන අතර එහි 5.2 වශයෙන් අත්හදා බැලීමේ සංස්කරණයක්ද නිකුත් වී තිබෙනවා.
මම ඔපෙරා ගැන ලියපු ලිපිය මෙතැනින් කියවන්න
ගිම්ප් කියන චිත්රක නිර්මාණය කරන මෘදුකාංගයේත් 2.6.7 කියන 2.6 හි ඇති දෝශ කිහිපයක් විසඳමින් වැඩිදියුණු කල සංස්කරණය ඇවිත් තියෙනවා.
මම කලින් ගිම්ප් ගැන ලියපු ලිපිය මෙතනින් කියවන්න.
ClamWin Free Antivirus යනුවෙන් හඳුන්වන ප්රතිවයිරස මෘදුකාංගයේ 0.53.3 කියන සංස්කරණය නිකුත් වෙලා තියෙනවා.
*වයිරස් පිලිබඳ තොරතුරු ගබඩාව වැඩිදියුණු කිරීම
*දත්ත ගොනු ඉක්මණින් ස්කෑන් කොට වයිරස තිබේදැයි පරීක්ෂා කිරීම
*වඩාත් විශාල සහ හැකිලූ දත්ත ගොනු පරීක්ෂාව වැඩිදියුණු කිරීම මෙම අලුත් සංස්කරණයේ තිබෙන විශේෂ ලක්ෂණ කිහිපයක්.
ClamWin Free Antivirus 0.53.3 මෙතැනින් භාගත කරගන්න
මම කලින් ClamWin Free Antivirus ගැන ලියපු ලිපිය මෙතනින් කියවන්න
Posted in Uncategorized | 1 Comment »
මෙන්න තවත් වෙබ් පිරික්සන මෘදුකාංගයක්.මේක වැඩිය ජනප්රිය නැති උනාට මොකද හොද වැඩ කාරයෙක්.පොඩි අවුලකට තියෙනේ සිංහල යුනිකෝඩ් එක්ක වැඩි ඇයි හොඳැයියක් නැති එක තමයි.කොහොම උනත් මම මේ කියන හදන්නේ ඔපෙරා කියන වෙබ් පිරික්සුම් මෘදුකාංගය ගැනයි.
ඔපෙරා ලාංජනය
මුලින්ම මම ස්තුතිවන්ත වෙන්න ඕනේ ප්රභාත් සොහොයුරාට.එයාගෙ බ්ලොග් අඩවියෙන්(වැලිකතරේ…..) තමයි මම ඉස්සරවෙලාම මෙහෙම ඔපෙරා කියලා දෙයක් තියෙනවා කියලා දැනගත්තෙ.මගේ බ්ලොග් එකේ මේ ලිපිය ලියන්න කලින් ප්රභාත් සොයුරාගෙ ලිපිය කියවලා තම්යි මට මේ ගැන ලියන්න ඕනෙ කියලා අදහසක් ආවේ
ඔපෙරා කථා වස්තුව 1994 වෙනකන් පස්සට යනවා.නෝර්වේ රටේ තියෙන ප්රධාන සන්නිවේදන සමාගමක් වන Telenor සමාගම 1994 දී කරපු පර්යේෂණ ව්යාපෘතියකින් තමයි මේ ඔපෙරා බිහිවුනේ.අවුරුද්දකට විතර පස්සෙ එයාලා වෙනමම තනි සමාගමක් පිහිටෙව්වා Opera Software ASA කියලා.
ඔපෙරා 10 අතුරු මුහුණත
ඒ විදිහට ඇරඹුනු ඔපෙරා අද වෙනකොට තත්වයෙන් උසස්, බොහෝමෙහෙයුම් පද්ධති සමග වැඩ කල හැකි වෙබ් පිරික්සුම් මෘදුකාංගයක් බවට පත්වෙලා තියෙනවා.ඒ වගේමයි පරිගනක විතරක්ම නෙවෙයි ජංගම දුරකතනවල PDAs, game consoles මෙන්ම Nintendo Wii, DS, Sony Mylo උපාංග වලත් මෙය ජනප්රියයි.
ඔපෙරා කියන්නේ හුදෙක් වෙබ් පිරික්සුම් මෘදුකාංගයක්ම නෙවෙයි. එය විවිධ අංශ ගණනාවක පැතිරුණ විශාල ව්යාපෘතියක්. ඔපෙරා මගින් අධ්යාපන කටයුතු , ඔපෙරා විද්යුත් තපැල්, ආයෝජන, රැකියා අවස්ථා ආදී වැඩ කටයුතු ගණනාවක්ම සිදු කෙරෙනවා.
ඔපෙරා වල තිබෙන විශේෂ ලක්ෂණ අතර අපට නිතරම අවශ්ය වන වෙබ් අඩවි වලට ඉක්මනින් ලඟා වෙන්න පුලුවන් පහසුකම(Quick Dial), ඔපෙරාහි මුහුණතතෙහිම ඉඳගෙන වෙබ් අඩවි කිහිපයක යාවත්කාල වීම් දකින්න පුලුවන් වීම, අඩු වේග සබඳතා සඳහා ඔපෙරා ටර්බෝ පහසුකම ගැන මතක් නොකරම බැහැ.
සුපිරිම ආකාරයේ වෙබ් පිරික්සනයක් තැනීම අරමුණ කරගත් ඔපෙරා කණ්ඩායම සමග එක්වී වැඩ කරන්නට ඔබටත් අවස්ථාව තියෙනවා.ඒ ගැන වැඩි විස්තර මෙතනින් ලබා ගන්න පුලුවන්.
ඒ සියලූම විස්තර කිව්වට පස්සෙ මෙන්න මේ දේත් නොකිව්වොත් එය අඩුපාඩුවක් වේවි.ඔපෙරා වෙබ් පිරික්සනය සිංහල යුනිකෝඩ් සමග 100% සාර්ථකව වැඩ කරන්නේ නම් නෑ. එමෙන්ම වෙනත් නොමිලේ දෙන විද්යුත් ලිපින සමග සසඳන විට ඔපෙරා හි ලබා දෙන්නේ ඉතා කුඩා වෙබ් ඉඩකඩක්.
Posted in වෙබ් පිරික්සුම් මෘදුකාංග | Tagged නොමිලේ මෘදුකාංග, වෙබ් පිරික්සුම් මෘදුකාංග | 8 Comments »
මෙන්න තවත් කාටත් උවමනා කරන මෘදුකාංගයක්.හදිසියකට පොඩි පින්තූරයක් හදා ගන්න එකේ සිට වෘත්තීමය ජායාරූපශිල්පීන් පවා මෙය භාවිතා කරනවා.ඒ කියන්නේ නොමිලේ දෙන එකක් උනාට ඉහල මට්ටමක කාර්යයන් උනත් කරගන්න මේ මෘදුකාංගය සහාය දක්වනවා. මේ තමයි GIMP…
ගිම්ප් නිල ලාංජනය
දැනට අලුත්ම 2.6 කියන සංස්කරණය නිකුත් කරලා තියෙන මේ මෘදුකාංගය ගැන තව ටිකක් විස්තර හොයලා බලනකොට මෙන්න මේවා හම්බ උනා.
මේකට ගිම්ප් කියලා කියන්නෙ කෙටි නම විදිහට.මේකෙ සම්පූර්ණ නම තමයි GNU Image Manipulation Program .ගිම්ප් කියන්නෙ තවම තවම දියුණු වෙමින් පවතින මෘදුකාංගයක්.එයින් බොහෝ දේ සරලව කල හැකි ආකාරයට තවත් ඇමිනුම්(Plug-ins) එකතු වෙමින් පවතිනවා.මෙහි නිර්මාපකයන්ගේ පරමාර්ථය බොහොම සරල ආකාරයට වැඩ කල හැකි මෘදුකාංගයක් බිහිකිරීමයි.මෙහි කේත ලියලා තියෙන්නේ යුනික්ස් පසුබිමේ උනාට ඇපල් සහ වින්ඩෝස් වල හොඳට වැඩ.
බොහොම සරල ආකාරයකට කියන්වානම් අපි පාවිච්චි කරන ඇඩෝබි පොටෝෂොප් වගේම තමයි මේකත්.එකම විදිහෙ වැඩ කරන නිදහස් මෘදුකාංගයක්.මෙය නිකුත් කරලා තියෙන්නේ GNU Free Documentation License කියන බලපත්ර වර්ගය යටතේ.
ගිම්ප් නිල වෙබ් අඩවියට යනවානම් මෙන්න පාර
ගිම්ප් ගැන හැමදේම මෙතන තියෙනවා
2.6 සංස්කරණයේ අලුතෙන් කරලා තියෙන වෙනස්කම් බලන්න මෙතනින් යන්න
උබුන්ටු වල ගිම්ප්
Posted in චිත්රක | Tagged චිත්රක, නොමිලේ මෘදුකාංග | 5 Comments »
මම මේ පොඩි ලිපිය ලියන්නේ පොඩි සැමරුමකට.මේ ලිපිය පලවෙන අවස්ථාව වෙනකොට මම කියන හදන දේ පහු කරලත් ගිහිල්ලා.
මෙන්න මේකයි. 2009 අගෝස්තු 21 ඉඳලා අද වෙනකොට මගේ බ්ලොග් එක බලපු කට්ටිය 555 පහු කරලා ගිහිල්ලා.
මගේ බ්ලොග් අඩවියට ආපු, මගේ ලිපි කියවපු, අදහස් ප්රකාශ කරමින් මාව දිරි ගන්වපු හැමෝටම ගොඩක් ස්තුතියි.මම මට ඉඩ තියෙන හැම වෙලාවෙම අලුත් ලිපියක් ලියන්න උත්සාහ කරනවා.කාටවත් ගැති නොවී නිදහස් මෘදුකාන්ගයක් පාවිච්චි කරන්න, ඒකෙ වටිනාකම කියල දෙන්න මම ගත්තු උත්සාහය ටිකෙන් ටික පල දරනව කියලා මට තේරෙනවා.ඔයාලාගෙ ප්රතිචාර වලින් තමයි අඩු පාඩු හදාගෙන මේ වැඩේ තව හොඳට කරන්න පුලුවන් වෙන්නෙ.මම ඔබ සියලු දෙනාටම අරාධනය කරනවා මගේ ලිපි වල අඩු පාඩු තියෙනවානම් කියන්න, ඔබලාට ඒ දේ ගැන හිතෙන අදහසක්, එම මෘදුකාන්ගයක් භාවිතා කරලා තියෙනවානම් ඒ ගැන ලබාපු අත්දැකීමක් වගේ දෙයක් ගැන පොඩි සටහනක් දාන්න.ඒ වගේම ලිපිය හොදයි කියලා හිතෙනවානම් කැමැත්ත අනුව පොඩි චන්දයක්(Rating) දාන්නත් ඔයාලට පුලුවන්. එහෙනම් ආපහු සැමරුමකදි සටහනකින් හමු වෙන තුරු නිදහස් මෘදුකාන්ග ඔබව පිලිගන්න බලාගෙන ඉනවා කියල අමතක කරන්න එපා
මේ තවත් එක වගේ ඉලක්කම් ආපු අවස්ථාවක්
( මොන්ටිසෝරි වැඩක් තමයි ඉතින් ගනන් ගන්න එපා 
)
Posted in සටහන් | 6 Comments »
හොර කොපි නැති පරිගනකයකට තියෙන්න ඔනේ තවත් වටිනා කියන නිදහස් මෘදුකාංගයක් ගැනයි මේ කතාව.මේක නිදහස් ප්රතිවයිරස් මෘදුකාංගයක්(Antivirus Software).සම්පූර්ණයෙන්ම නොමිලේ දෙන මෙහි නොමිලේ දෙන සහ මුදල් ගෙවා ගන්න කියා සන්ස්කරණ 2ක් නැති වීම විශේෂත්වයක්.හැබැයි දැනට වැඩ කරන්නේ වින්ඩෝස් මෙහෙයුම් පද්ධති(Microsoft Windows 98/Me/2000/XP/2003 and Vista) සමග පමණයි.මෙහි කේත නිදහස් කරලා තියෙන අතර ඔනෑම c++ සහ Python කේත ලියන්නන්ට මෙය වැඩිදියුනු කිරීම සඳහා සම්බන්ද වෙන්න අවස්තාව තියෙනවා.
අපිට පුරුදුවෙලා තියෙන ආකාරයේ ස්වයංක්රියවම වයිරස් අල්ලන පහසුකම මෙයාගේ නෑ කියලා තමයි මෙහි නිල වෙබ් අඩවියෙහි දක්වලා තියෙන්නේ.(does not include an on-access real-time scanner. You need to manually scan a file in order to detect a virus or spyware)මෙය නම් ටිකක් විශේෂයෙන් සැලකිය යුතු අවාසියක් කියලා තමයි මට නම් හිතෙන්නේ.මොකද අපි සෑම විටම වාගේ වයිරස් බෝවෙන ප්රධානතම ආකාරය වන පෙන් (Pen Drive, Flash Drive) ස්කෑන් කරන්නේ නැහැනේ.ඒක හිතලා කරන්න අපිට අමතක උනොත් එම වයිරසයට අපේ පරිගනකයට එන්න පුලුවන් වීමේ තර්ජනයක් තියෙන බව පොඩ්ඩක් මතක තියාගන්න වෙනවා.නමුත් මෙය තවම වැඩිදියුණු වෙමින් පවතින මෘදුකාංගයක් නිසා ඉදිරියේදී එම පහසුකම මෙයට ලැබේවි කියල හිතමු. ඒත් එහෙම කියලා මේක අත්හැරලා දාන්න අවශ්ය වෙන්නේ නෑ.මොකද වෙනත් වයිරස් ආරක්ෂණ මෘදුකාංගයක් සමග භාවිතා කරන්න පුලුවන් නිසා කැමතිනම් ස්ථාපනය කරල තියන්නත් පුලුවන්.(Avast සහ Nod32 එක්ක නම් මම පරීක්ෂා කලා. ප්රශ්නයක් නෑ)
ස්වයංක්රීයවම යාවත්කාල වීම, ස්ථාපනය සඳහා කුඩා ඉඩ ප්රමාණයක් ලබා ගැනීම, අඩු සසම්භාවී ප්රවේශ මතකයක්(Low RAM space) ලබා ගැනීම සහ ඉතාම සරල අතුරු මුහුණතක් තිබීම මෙහි ඇති තවත් හොඳ ගතිගුණ කිහිපයක්
භාගත කරගන්න මෙතන කොටන්න
Posted in ප්රතිවයිරස් මෘදුකාංග | Tagged නොමිලේ මෘදුකාංග, ප්රතිවයිරස් මෘදුකාන්ග | 5 Comments »
අද මම කියන්න යන්නේ අපි අන්තර්ජාලයෙන් භාගත කරගන්නා PDF මාදිලියේ පොත්(e Books) කියවන සරල මෘදුකාංගයක් ගැන.මේකත් නොමිලේ දෙන මෘදුකාංගයක්.GPLv3 කියන බලපත්ර කාණ්ඩය යටතේ තමයි මේක නිදහස් කරලා තියෙන්නෙ.මෙහි අලුත්ම සංස්කරණය තමා 0.9.4
Sumatra PDF Viewer
බොහොම සරල, බාහිර අටෝපයට වඩා ක්රියාකාරීත්වයට මුල් තැන දීලා තමයි මෙය සැලසුම් කරලා තියෙන්නෙ.වඩාත් අඩු ඉඩ ප්රමාණයක් ලබා ගැනීම(Low hard disk space), වේගවත් ක්රියාකාරීත්වය, අඩු සසම්භාවී ප්රවේශ මතකයක්(Low RAM space) ලබා ගැනීම යන කරුණු විශේෂයෙන් සඳහන් කල යුතු වෙනවා.(මමත් පෞද්ගලිකව මෙය භාවිතා කරන නිසා අත්දැකීමෙන් කියන්න පුලුවන්)
මෙහි ප්රධාන නිර්මාපකයා තමා Krzysztof J. Kowalczyk කියන පුද්ගලයා.කියවගන්න අමාරු නමක් උනාට කරලා තියෙන්නේ නම් ගොඩක් හොඳ වැඩක්.එයා ගැන විස්තර මෙතන තියෙනවා.
Sumatra PDF Viewer හි ප්රධාන වෙබ් අඩවියට යනවානම් මෙතන කොටන්න.
භාගත කරගන්නවා නම්
Installer: SumatraPDF-0.9.4-install.exe
Zip file: SumatraPDF-0.9.4.zip
ප.ලි
පොඩි වැඩ වගයක් තිබුන නිසා මට පොස්ට් එකක් ලියන්න බැරි උනා.ඒත් ගොඩක් යාලුවෝ ඇවිල්ල බ්ලොග් එක බලල තිබ්බ බව බ්ලොග් ස්ටැටික්ස් වලින් පෙන්නුවා.මෙම බ්ලොග් අඩවිය සමග රැඳී සිටින ඔබ සැමට මාගේ ස්තුතිය.
Posted in කාර්යාල සහායක මෘදුකාංග | Tagged කාර්යාල සහායක මෘදුකාංග, නොමිලේ මෘදුකාංග, PDF Viewer | 4 Comments »
| M | T | W | T | F | S | S |
|---|---|---|---|---|---|---|
| « පෙබ | ||||||
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
